Казакстандын президенти Касым-Жомарт Токаев дарыгерлерге кол салып, сабагандарга жазаны катаалдатууну тапшырды.
Бул тууралуу анын басма сөз катчысы Руслан Желдибаев билдирди. Ал Токаев медициналык кызматкерлерге күч колдонгондорго катуу чара көрүү тууралуу депутаттардын сунушун колдорун белгиледи.
“Президент өкмөткө тиешелүү мыйзамдарга өзгөртүү киргизүү тууралуу тапшырма берди. Ал парламентке жөнөтүлгөндөн кийин жарандык коомдун өкүлдөрү менен чогуу талкуулар өтөт”,-деп айтылат маалыматта.
Казакстанда дагы акыркы учурларда дарыгерлер сабалган учурлар көбөйдү.
Мындай көрүнүш Кыргызстанда дагы бар.
Ушул айда эле Улуттук госпиталдын дарыгерлери сабалган эки окуя катталган. Мындан улам аталган оорукананын жамааты айрыкча күч түзүмүнүн кол көтөргөн кызматкерлери жазасыз калып жатканын, жогорку кызмат адамдардын жоопкерчилиги каралбай калганын айтып бийликке кайрылган.
Дарыгерлердин бул билдирүүсүнө бийлик башчылары азырынча үн ката элек.
Шерине