Президенттин иш башкармалыгынын жетекчиси Каныбек Туманбаев Бишкектеги ооруканалардын баары шаардын сыртына, Көк-Жарга чыгарыларын билдирди.
Ал бул тууралуу 23-июлда Эне-баланы коргоо улуттук борборунун оңдоп-түзөтүүдөн өткөндөн кийинки абалын көрүү үчүн барганда айтты.
“Азыр биз медициналык шаарчанын курулушун баштап жатабыз. Ооруканалардын баары ошол жакка, Көк-Жарга көчөт”,-деди Туманбаев.
Ал курулуштун чоо-жайы тууралуу мындан башка кеңири маалымат берген жок.
Буга чейин саламаттык сактоо министри Эркин Чечейбаев бейтапканалардын дээрлик баарын шаардын сыртына көчүрүү долбоору бар экенин маалымдаган. Анда медициналык шаарча Кара-Жыгач айылына жакын жердеги 100 гектардан ашык жерге салуу каралып жатканы белгилүү болгон.
Дагы караңыз
Шерине